GossipGirl 護膚之道 ʕʘ̅͜ʘ̅ʔ

上回講到我成為本年度 too cool for school 既其中一個 Gossip Girl ~(*^^*)~



我屬於混合性肌膚, 而 too cool for school 就為我準備左一系列產品, 好讓我對症下藥, 改善肌膚問題!!


洗面係每一日都必必必要做既! 而我肌膚屬於混合性, 所以 Egg Mousse Soap 都岩我用架!


以雞蛋為主要成份既 Egg Mousse Soap, 其四無親肌配方, 能深層潔淨而不刺激肌膚, 潔面後肌膚柔滑唔繃緊, 令肌膚達致水油平衡!



我一向都用開洗面膏, 但原來我既肌膚 (底層偏乾) 係比較適合用洗面 mousse!

用之前要先搖暈, 跟住就吱乒乓波咁上下大細既份量就夠架啦! Egg Mousse Soap 質地都幾杰身, 而且都幾綴肌膚架 (建議加少少水更易推開)~ 

滑溜溜滑潺潺, 輕輕打圈推, 跟住就可以洗面囉~ 由原本油光滿面既我, 一洗去油膩之餘仲白滑左添呀 (●^-^●)/


洗完面就係護膚最緊要一環!! 我既護膚三寶要出場啦!! 
Rules of Skincare Hydra 系列, 含有維他命水滴成份, 能充分由內至外保濕肌膚, 同時改善肌膚, 令肌膚變得光亮潤澤!
Replenish Hydra Essential Toner 爽膚水可以有效去除殘餘化妝品污垢, 亦可以為護膚程序作最好準備, 令之後搽既護膚品更吸收, 效果更提升, 有效增強膚質柔軟度!
Replenish Hydra Serum 精華就係濃縮左既精華營養, 分子較細, 可以深入皮膚進行修復及護理作用! 而我, 底層乾導致面層油, 令毛孔擴大, 補濕產品有助改善問題!
Replenish Hydra Cream 面霜就係皮膚既保護膜, 發揮極緻鎖水; 抗菌, 令膚質更強狀!

我每早晚都係用 Riles of Skincare - Replenish Hydra 系列黎為我既肌膚補充水份!!

除左每日要用護膚三寶之外, 我差不多隔日就會敷 Mask! 由其 eye mask ⊂(^ω^)⊃
Abracadabra Mask 高效抗皺保濕眼膜, 為疲倦既眼周肌膚充電! 我地成日都望電腦/手機, 黑眼圈不在話下, 雙眼無好好休息就會好易有乾紋/幼紋!
好多 eye mask 都只係敷眼肚下便, 而呢個 Abracadabra Mask 係一大塊黑色既啫喱蝴蝶型眼膜♡ 
如果塊眼膜唔係黑色都無乜野, 一敷上去我就覺得自己好似 CatWoman (=^・^=) 我要儆惡懲奸 xDD 



另外就係 Egg Cream Mask! 用雞蛋既力量令肌膚注滿水份, 提升肌膚亮澤度!
雞蛋忌廉面膜!! 有一層網包住塊雞蛋紙( 我估係用黎防止精華養分流失啩 :p), 面膜厚度適中, 而且好貼面, 鼻位眼位同咀周圍都敷到!
我既敷面膜時間多數係沖完涼之後, 因為沖完涼毛孔擴張左, 即刻敷面膜就可以更吸收精華啦 ^^~
敷左20-30分鐘之後, 就好似剝雞蛋咁, 好滑溜溜啊~
果塊面膜就好似雞蛋果層 E 咁, 令我即刻想烚番隻蛋黎食啊 ꒰◍ˊ◡ˋ꒱੭ु⁾⁾♡



雖然有護膚品保護我地既皮膚, 但防禦都好緊要架!!
曬太陽可以吸收維他命D, 但太陽亦都好毒架 Σ(゚д゚lll)
因為太陽光含 UVAUVB!
UVA 可以穿透雲層; 玻璃直入室內, 會射入皮膚真皮層, 造成曬紅及曬傷, 令皮膚老化變得鬆弛, 引致皺紋產生同時失去彈性!
UVB, 雖然只能滲透至皮膚表皮, 但都有機會令皮膚曬傷; 變紅刺痛, 亦會令皮膚角質增厚, 令肌膚變得乾燥! 
所以呢, 防曬唔少得!! 預防勝於治療 (ΘϖΘ)/
出街記得搽防曬! 帶帽; 帶太陽鏡都係一個唔錯既選擇! 




分享到此為止, 拜拜~







產品贊助及提供:

- too cool for school






▀▄▀▄▀▄CONTACT ME▄▀▄▀▄▀

留言